WITO WA USAILI KUSHINDANIA MRADI UNAOHAMASISHAUPATIKANAJI WA AJIRA KWA VIJANA HUSUSANI VIJANA WANAWAKE (YEFFA)

WITO WA USAILI KUSHINDANIA MRADI WA KUWEZESHA UJASIRIAMALI KWA VIJANA KWA MUSTAKABALI WA CHAKULA NA KILIMO (YEFFA):

Je, wewe ni kijana mjasiriamali mwenye shauku yakuleta suluhisho bunifu kwa mifumo endelevu ya usalama wa chakula katika mikoa ya Mbeya, Songwe, Njombe, Rukwa, au Katavi? Je, unamiliki au una wazo la biashara inayoongeza thamani katika mnyororo wa mazao ya kilimo, hususani alizeti?

Fursa yako ni sasa! Jisajili na upate nafasi ya kushiriki katika Mradi wa YEFFA (Youth Entrepreneurship for the Future of Food and Agriculturet). Mradi huu unatafuta vijana wa kike na kiume wenye biashara au mawazo ya biashara zinazohusiana na sekta ya kilimo na mnyororo wa thamani wa zao la Alizeti , kwa lengo la kuwawezeshakibiashara na kuimarisha mifumo jumuishi ya chakula.

Kuhusu Mradi wa YEFFA

Rikolto Tanzania imepata ufadhili kutoka AGRA kutekeleza Mradiwa YEFFA, unaolenga kuimarisha ujasiriamali wa vijana kwa mustakabaliwa Chakula na Kilimo kwa kuwawezesha vijana na wanawake kupitia mnyororojumuishi wa thamani wa alizeti unaoongozwa na soko. Mradi huu unatekelezwakwa kushirikiana na wadau mbalimbali nchini Tanzania na kufadhiliwa na MastercardFoundation.

YEFFA inalenga kufikia wakulima wadogo waalizeti 100,000, wakiwemo vijana na wanawake, na kuwawezesha zaidi ya vijana 12,068 kupata ajira yenye heshima na tija kwenye mnyororo wa thamani waalizeti katika mikoa ya Mbeya, Songwe, Njombe, Rukwa, na Katavi.

Mradi unatarajia kusaili biashara 125 (25 kutokakila mkoa), ambazo zitapata mafunzo na fursa za uwezeshaji wa kibiashara.

YEFFA Inalenga Kuwezesha Biashara Zipi?

Mradi huu unalenga kusaidia biashara zinazoshughulika na:

1. Kuongeza Uzalishaji Endelevu: Kuboresha uzalishaji wa alizeti kwa kutumia teknolojia bunifu, mbegu bora, huduma za ugani, na mifumo ya udhibiti wa visumbufu vya mazao.
2. Kupunguza Upotevu wa Mazao: Kuimarisha mbinu za kuhifadhi, kusindika, na kuongeza thamani ya alizeti ili kuhakikisha upatikanaji endelevu wa chakula safi na salama.    
3. Kuimarisha Mifumo ya Masoko: Kuunganisha vijana na masoko, kuendeleza bidhaa zenye thamani, na kusaidia uuzaji wa bidhaa za kilimo kwa ufanisi zaidi.

Mtiririko wa Mradi wa YEFFAMradi utatekelezwa kwa hatua zifuatazo:

‍1. Usajili na Usaili

• Vijana kujisajili kupitia Halmashauri zao.
• Mwisho wa usajili: 8 machi 2025.

2. Mafunzo Kambini

• Biashara 125 zitachaguliwa (25 kutoka kila mkoa).
• Mafunzo ya siku 7 kwa kila mkoa kuhusu uendeshaji wa biashara, chapa na masoko, taratibu za kodi, na usimamizi wa biashara.

3. Ushauri na Malezi ya Kibiashara

• Biashara 125 (25 kutoka kila mkoa) zitachaguliwa kwa ushauri wa miezi 3.
• Uandaaji wa mpango wa biashara na tafiti za masoko.
• Uunganishwaji na taasisi za kifedha na masoko.

4. Fainali na Uwekezaji

• Kiasi cha hadi Tsh. 120,000,000 zimetengwa kwa ajili ya kuwezesha biashara 40 bora

• Washiriki watapata nafasi ya kuonyesha bidhaa zao mbele ya wadau wakuu.

Nani Anaweza Kushiriki?

• Vijana wa kike na kiume wenye umri kati ya miaka 18-35.
• Wajasiriamali wanawake wanapewa kipaumbele.
• Wenye biashara au mawazo ya biashara katika kilimo na mnyororo wa thamani wa chakula, hasa alizeti.
• Wanaotoka katika mikoa ya Mbeya, Songwe, Njombe, Rukwa, na Katavi.

Usikose nafasi hii ya kipekee! Pakua fomu hapo chini kisha uijaze na uiwasilishe kwenye halmashauri yako au unaweza kutuma kwenye barua pepe: eastafrica@rikolto.org mwisho Tarehe 8 Machi 2025. Endapo kama utakutana na changamoto katika kujiandikisha tafadhali wasiliana na mratibu wa mradi kupitia namba ya simu: 0763700814.
‍

‍